Saturday, October 31, 2026

INTEZAAR

Jinko Mere Bina Na Bhuk Lagti Thi Na Pyas,
Wo Khadi Rehti Thi Mere Intezaar Mein Dawaje K Pass, 
Kya? Ab Bhi Maa Tum Mere Bina Kha Pi Leti Ho?
Kya? Ab Bhi Mera Intezaar Karti Ho?
Kyonki, Mujhe Hai Tumhara Sapno Mein Aane Ka Intezaar,
Aur Tumse Baat Karne Ka Intezaar. 

Ruth K Chali Gai Maa Tum Mujhse Itna Dur,
Kaise Manau Tumhe Iska Hal Nahi Hain Mere Paas.
Ab Mein Tumse Ruth Gai hu Maa, 
Ab Mujhe Hai Tumhare Manane Ka Intezaar.

Ab Bas Tumse Milne Ki Hai Aas,
Isley Harpal Karti Hu, Apne Maut Ka  Intezaar.

KAASH

Atmahatya ki koshish humne ki thi ek baar, 
Kaash hum us waqt mar jaate to kitna acha hota.

Gar mar jaate hum, 
Hume maa ko khone ka dard sehna na padta,
Aur, na hi ab har pal har din jeene k liye sangarsh karna padta.
Gar maut hume apne aagosh mein le leti uswaqt, 
Logo ki baato ko sehna na padta.
Kaash hum us waqt mar jaate to kitna acha hota.

Khokhle to hum andar se pehle hi thay, 
Gar saanse humara sath chod deti us waqt,
To aaj ye jinda laash na dhona padta.
Kaash hum us waqt mar jaate to kitna acha hota.

Wednesday, April 22, 2026

Akhir Kyon?

Kyon karte hai log, Sucide? 

Kya mazboori rahi hogi unki? kitna anmol hota hai ye manushya roop, ye un jeev jantu se pucho jo hazaro saalo se manushya roop paane ki kamna karte hai. Kudrat ka sarvashrestha nirmaan hai manushya jeev, lekin fir bhi khuch log is astitva se khush nahi hai. 

Kitni takleefdeh hoti hai khud k pran lena, ye sirf wohi jaan sakte hai jinhone ye feeling mehsoos ki hai, kyon koi ye kadam uthate hai.

Jindegi bemaksad si lagne lagti hai.
Log kehte hai ki kayar aur darpok hote hai wo log jo atmahatya karte hai.

Kayar nahi hote hai wo log bas thak jaate hai. Roj antardwand se ladte rehte hai ki nahi hume thodi aur koshish karni hogi hum jeet jayenge. Roj uperwale se puchta hoga ki bhagwan kyon rakha mujhe yaha apne paas bula lo prabhu. Aur isi antardwand se ladte ladte wo roj suya dev ko nai energy k sath aagman karta hai aur shaam hote hote fir apne antardwand se ladta rehta hai. Aur ek din wo apni ladai haar jaata hai, aur apni nirashaaon ko samet kar so jaata hai, aur kabhi nahi uthata. Surya Dev ko alwida keh kar villin ho jaata hai prakriti mein. Apne liye sukoon ki raah chun leta hai. Aur dusro k liye ek prashna chod jaata hai.
Akhir kyon......?